Seul shahar hokimligi va Seoul Business Agency (SBA) tomonidan tashkil etilgan forum Janubiy Koreya va Markaziy Osiyo o‘rtasidagi biznes aloqalarni mustahkamlashga qaratilgan edi. Ushbu tadbir DORA uchun yangi strategik yo‘nalishlarni ochib berdi. Forum davomida biz Janubiy Koreyaning to‘rtta yetakchi kompaniyasi bilan samarali uchrashuvlar o‘tkazdik.

EInvention Co., Ltd. (AI asosidagi raqamli reklama platformasi) bizning yondashuvimizga katta qiziqish bildirdi va rasmiy hamkorlik taklifini berdi. Ushbu kelishuv DORA hayotida yangi davrni boshlab berdi. Biz EInvention bilan anglashuv memorandumi (MOU) imzoladik, bu esa Markaziy Osiyoda raqamli reklama yechimlarini joriy etish imkoniyatlarini ochib beradi.

Bundan tashqari, Eoding kompaniyasi bilan ham samarali muzokaralar olib bordik. Ular bizning ilg‘or ERP tizimimizga qiziqish bildirishdi. Bu hamkorlik bizning raqamli yechimlarimizni yanada kuchaytiradi.

Janubiy Koreya texnologiyasi, ayniqsa sun'iy intellekt va raqamli marketing sohasidagi ilg‘or tajribalari, mijozlarimizga yuqori darajadagi xizmatlar taqdim etishimizga yordam beradi. DORA bundan keyin ham innovatsion yechimlarni joriy qilish va Janubiy Koreya bilan hamkorlikni mustahkamlashda davom etadi.

Xalqaro marketing xizmatlari bozorida oyiga 10–20% savdo o‘sishi faol rivojlanayotgan kompaniyalar uchun norma hisoblanadi, 20–35% — ichki jarayonlari tizimlashtirilgan va kengayishga tayyor jamoalar uchun, 50% va undan yuqori esa — o‘z biznes modelini natijalar bilan isbotlay olgan yuqori samarali agentliklar darajasi. Shu sababli DORA may oyi uchun +46% o‘sishni maqsad qilib qo‘ydi — bu realistik, lekin jiddiy o‘sish rejasi edi. Bu orqada oylab tayyorlangan ichki islohotlar, jamoani kuchaytirish, mahsulotlar va savdo voronkasini sozlash turgandi. Strategiya may oyida ishga tushirildi va biz bor-yo‘g‘i bir oyda +133% savdo o‘sishini qayd etdik — bu belgilangan rejaning 2.9 baravari. Bu omaddan emas. Bu — product-market fit mavjudligi, uzluksiz masshtablashish imkoniyati, ichki tizimlar yetukligi va jamoaning o‘sishga tayyorligini ko‘rsatadi. Bu natija bizga quyidagilarni aniq isbotladi: strategiyamiz qayta ishlatiladigan, talab tasdiqlangan, tizim yuklamani ko‘tara oladi va biznes model real sharoitda kengayishga tayyor. Agar siz ham barqaror o‘sishni istasangiz — keling, amaliy hamkorlik haqida suhbatlashamiz. Biz keyingi bosqichga tayyormiz.

DORA kompaniyasi Qozog‘istonda xalqaro memorandum imzoladi. Ushbu rasmiy kelishuv Qozog‘istonning yetakchi marketing agentliklaridan biri — SAQ Marketing bilan o‘zaro uzoq muddatli hamkorlikni yo‘lga qo‘yish, tajriba almashish va mintaqaviy marketing loyihalarini birgalikda amalga oshirishni nazarda tutadi.

Memorandum asosiy yo‘nalishlari quyidagilardan iborat:

•  Marketing bozoridagi o‘zaro tahlillar — O‘zbekiston va Qozog‘iston auditoriyasining xulq-atvori, algoritmlar, kontent samaradorligi.
• Ichki boshqaruv tajribasi almashuvi — KPI tizimlari, ish oqimlari, xodim motivatsiyasi va samaradorlik monitoringi.
• Texnologik integratsiya — AI (sun’iy intellekt), avtomatlashtirish vositalari, task management tizimlari.
• Qo‘shma loyiha va tashabbuslar — seminarlar, bozor tadqiqotlari, mintaqaviy brend kampaniyalari.

Tashrif davomida DORA kompaniyasi o‘zining DORA Platformasini taqdim etdi — bu loyiha nazorati, KPI baholash va jamoa boshqaruvini avtomatlashtirishga qaratilgan ichki tizimdir.

Ushbu memorandum xalqaro miqyosda tajriba almashishni institutsional darajaga olib chiqish yo‘lidagi muhim qadamlardan biridir.

Biz uchun katta sharaf bo‘ldi! DORA kompaniyasi TAF!24 «Реклама 2024 года» tanloviga mehmon sifatida taklif etildi va tadbirning barcha qiziqarli lahzalaridan bahramand bo‘lish imkoniyatiga ega bo‘ldi.

TAF!24 — bu reklama va marketing sohasidagi eng yirik tadbirlardan biri bo‘lib, u yerda yetakchi brendlar va agentliklar o‘z ijodiy ishlari bilan ishtirok etishdi. DORA kompaniyasi uchun bu tadbirda mehmon sifatida qatnashish, soha vakillari bilan tanishish va o‘zaro fikr almashish uchun ajoyib imkoniyat bo‘ldi.

Tadbir davomida biz iste'molchilar tomonidan baholangan eng yaxshi reklama ishlari va kreativ yondashuvlar bilan tanishdik. Bu tajriba bizga yangi g‘oyalar va ishlayotgan strategiyalarni o‘rganish, shuningdek, kelajakdagi loyihalarimiz uchun yangi ilhom olishga yordam berdi.

Bizning jamoamiz uchun bu tadbir o‘z sohamizda yangi imkoniyatlarni kashf etish va marketing olamida muvaffaqiyatli yondashuvlarni o‘rganish uchun ajoyib tajriba bo‘ldi.

DORA kompaniyasi ushbu tadbirda ishtirok etgan barcha brendlar va agentliklarni tabriklaydi va ularga kelajakdagi yutuqlarida muvaffaqiyatlar tilaydi!

Bugun biz DORA kompaniyasi nomidan O‘zbekiston Marketing Assotsiatsiyasi bilan uchrashuv o‘tkazdik va yil oxiriga qadar maqsadlarni belgiladik. Takliflarimiz iliq qabul qilindi, va biz tez orada texnik tomonlarini ishlab chiqib taqdim etamiz.

DORA kompaniyasi O'zbekiston Marketing Assotsiatsiyasiga a'zo bo'ldi. Ushbu a'zolik kompaniyamizning marketing sohasidagi yutuqlarini yana bir bor tasdiqlab, kelajakdagi yangi imkoniyatlar eshigini ochadi. Bizning xizmatlarimiz: SMM, kontent marketing, logotiplar va dizaynlar, brending, veb-sayt va mobil ilovalar yaratish, SEO va boshqa marketing xizmatlari.

Zuma Pharm o‘zining onlayn brend imidjini mustahkamlash uchun yangi va zamonaviy veb-sayt yaratdi. Ushbu sayt orqali farmatsevtika mahsulotlari haqida to‘liq va aniq ma’lumotlarga ega bo‘lishingiz mumkin. Foydalanuvchilar uchun qulay interfeys va tezkor navigatsiya yordamida mahsulot va xizmatlarni oson toping.